KÒMAN MANIPILE POPILASYON AN

1- Entwodiksyon

Chè zanmi ak chè frè, nou soumèt nou tèks sa a, ki tankou lòt yo nan seri atik sou iliminati yo, gen pou objektif pou ouvè je nou sou jesyon mond sa a pa iliminati yo, ras koulèv sa yo, demon sou fòm moun sa yo ki pran yo pou bondye sou latè. Tèks sa a ki regwoupe dis estrateji Noam Chomsky yo montre nou kijan demon mond sa a manipile popilasyon an.

San tròp kòmantè, nou kite nou pou dekouvri pou kont nou nan li atik sa a, kijan satanis sa yo travay sèlman pou destriksyon mond lan. Nou rekòmande nou atik sa a, epi tou lekti atik nou an ki rele "Ipokrit Yo Mete Toutouni", ak lòt atik nan seri Iliminati a, ke n’ap jwenn sou sit la www.mcreveil.org.

2- Dis estrateji Noam Chomsky yo

2.1- Estrateji distraksyon an

Yon eleman esansyèl pou kontwòl sosyal la, estrateji divèsyon an konsiste nan detounen atansyon piblik la nan pwoblèm enpòtan yo ak chanjman yo ki deside pa elit politik yo ak ekonomik yo, gras a yon delij kontinyèl nan distraksyon ak enfòmasyon ensiyifyan. Estrateji divèsyon an li egalman endispansab pou anpeche piblik la entèrese nan konesans esansyèl, nan domèn syans, ekonomi, sikoloji, nerobyoloji, ak sibènetik. "Kenbe atansyon piblik la distrè, lwen pwoblèm sosyal reyèl yo, kaptive pa zafè ki pa gen okenn enpòtans reyèl. Kenbe piblik la okipe, okipe, okipe, san okenn tan pou panse; retounen nan fèm nan ak lòt bèt yo." Ekstrè "Zam silans pou lagè trankil”.

2.2- Kreye bann pwoblèm, epi ofri solisyon

Metòd sa a rele tou "pwoblèm-reyaksyon-solisyon". Nou kreye an premye yon pwoblèm, yon "sitiyasyon" ki gen entansyon pwovoke yon sèten reyaksyon nan piblik la, pou sa a li menm se mande pou mezi ke nou vle yo aksepte. Pa egzanp: pèmèt vyolans devlope nan vil yo, oswa òganize atak san, pou piblik la mande lwa sekirite nan detriman libète. Oswa: kreye yon kriz ekonomik pou fè demantèlman dwa sosyal yo ak demantèlman sèvis piblik yo aksepte kòm yon mal nesesè.

2.3- Estrateji degradasyon an

Pou yon mezi ki pa akseptab aksepte, li sifi pou aplike li piti piti, nan "degradasyon", sou yon peryòd de 10 zan. Se nan fason sa a ke kondisyon sosyo-ekonomik la radikalman nouvo (neyoliberalis) te enpoze pandan ane 1980 yo rive nan ane 1990. Chomaj masif, prekarite, fleksblite, delokalizasyon, salè ki pa reponn ak bezwen yo, tout chanjman ki ta ka pwovoke yon revolisyon si yo te aplike britalman.

2.4- Estrateji difere a

Yon lòt fason yo vann yon desizyon enpopilè se prezante li kòm "douloure men nesesè", jwenn akò piblik la nan prezan pou yon aplikasyon nan lavni. Li toujou pi fasil pou aksepte yon sakrifis nan lavni pase yon sakrifis imedya. Premyèman paske efò a pa dwe bay tou swit. Lè sa a, paske piblik la toujou gen tandans nayivman espere ke "tout bagay pral pi bon demen" e ke sakrifis ki nesesè yo ka evite. Finalman, li pèmèt odyans lan abitye ak lide chanjman an epi aksepte li ak rezinyasyon lè lè a bon.

2.5- Adrese tèt ou a piblik la tankou bann ti moun ki pa gen anpil laj

Pifò piblisite ki vize a piblik la jeneral itilize yon diskou, agiman, pèsonaj, ak yon ton patikilyèman timoun, souvan prèske rann yo bèt, kòm si telespektatè a te yon timoun piti oswa yon moun andikape mantal. Plis nou eseye twonpe telespektatè a, se plis nou adopte yon ton ti moun. Poukisa? "Si yo adrese yon moun tankou si yo te gen 12 ane deja, lè sa a, akòz sigjesibilite a, yo pral, ak kèk pwobablite, gen yon repons oswa reyaksyon ki pa kritik tankou yon moun ki gen 12 ane." Ekstrè "Zam silans pou lagè trankil".

2.6- Fè apèl emosyonèl olye de refleksyon

Fè apèl emosyonèl la se yon teknik klasik pou kontoune analiz rasyonèl la, e se konsa sans kritik moun nan ye. Anplis de sa, itilizasyon rejis emosyonèl la ouvri pòt enkonsyan an pou implante lide, dezi, laperèz, enpilsyon, oswa konpòtman …

2.7- Kenbe piblik la nan inyorans ak betiz

Fè piblik la pa kapab konprann teknoloji a ak metòd yo itilize pou kontwòl li ak esklavaj li a. "Bon jan kalite edikasyon yo bay klas pi ba yo ki ta dwe pi pòv la, pou diferans ki genyen nan inyorans ki izole klas pi ba yo ak klas siperyè yo e li rete enkonpreyansib pou klas pi ba yo. Ekstrè "Zam silans pou lagè trankil”.

2.8- Ankouraje piblik la pou li pran plezi li nan medyokrite

Ankouraje piblik pou li jwenn li "koul" lefèt ke yo estipid, vilgè, ak san edikasyon…

2.9- Ranplase revòlt la pa kilpablite

Fè moun kwè ke li se sèl reskonsab malè li, akòz ensifizans entèlijans li, kapasite li, oswa efò li. Kidonk, olye pou yo revòlte kont sistèm ekonomik la, moun nan devalorize tèt li epi li santi’l koupab, sa ki jenere yon eta depresyon, youn nan efè yo se anpèchman aksyon. E san aksyon, pa gen revolisyon!

2.10- Konnen moun yo pi byen ke yo menm yo konnen tèt yo

Pandan 50 ane ki sot pase yo, pwogrè rapid syans lan te kreye yon diferans k’ap grandi ant konesans piblik la ak konesans elit dirijan yo te genyen ak itilize yo. Atravè byoloji, nerobyoloji, ak sikoloji aplike yo, san nou pa mansyone sondaj siveyans koute ak entèlijans... "Sistèm nan" te reyalize konesans avanse èt imen an, tou de fizikman ak sikolojikman. Sistèm nan vin konnen moun nan mwayèn pi byen pase moun nan konnen tèt li. Sa vle di ke nan majorite ka yo, sistèm nan kenbe pi gwo kontwòl ak pouvwa sou moun pase moun yo yo menm.

3- Konklizyon

Kom nou sot li’l, tout mond lan nèt anba pouvwa dyab la ak ajan li yo, 1Jan 5:19. Tan rive pou tout moun ki pa kwè nan Bondye yo, ak pou tout moun k’ap konteste otorite Bib la, pou reflechi ankò. Travay satan yo yo tèlman vin vizib nan jou nou yo se sèlman moun ki gen move lafwa pou kontinye pou di ke satan pa egziste. Satan egziste, e ajan li yo tankou jan nou sot li’l la egziste tou, e ap travay san relach pou yo akonpli misyon yo, misyon pou detwi mond lan. Li pral pi fasil pou moun ki pa kwè nan Bondye yo, pou aksepte ke yo tronpe. Li pa posib ke satan egziste, e ke Bondye pa egziste. Si satan ak demon li yo egziste, se ke Bondye ak Zanj li yo egziste tou.

Lanfè a se yon reyalite, e Paradi a tou se yon reyalite. Lavi pa rete erezman oswa malerezman sou latè, kontrèman a sa ke plizyè moun panse. Apre lavi sa a sou latè, genyen lavi etènèl la, Tankou jan Bib la revele nou li. Nou ankouraje nou donk pou kouri pou Lanfè a. Si ou deja yon kretyen ki ne de nouvo selon rekòmandasyon Senyè Jezi nan Jan 3:3, rasire’w ke lavi’w an lòd devan Bondye. E si ou poko ne de nouvo, sa vle di ke, si ou poko pase pa batèm nan dlo apre’w te fin aksepte Jezi Kris Kòm Senyè ak Sovè pèsonèl ou, men moman pou fè’l la. N’ap jwenn ansèyman sou "Batèm Dlo a" sou sit la www.mcreveil.org.

Benediksyon Bondye pou tout moun ki renmen Jezi Kris, Senyè nou an, ak yon renmen ki p’ap janm fini!