Bandeko balingami mibali mpe basi, ezali na esengo ete tozali kotia matatoli ndenge na ndenge na maboko na bino. Tomonaka ete ezali na ntina mpo na bokoli mpe botongi na biso na elimo. Masolo mosusu oyo euti na bato oyo basalelaki Satana, mpe mosusu, epai na bat’oyo bamonaki Lola mpe to Lifelo. Na mobimba, masolo oyo elendisaka bososoli na biso, mpe efungolaka miso na biso na Etumba ya Molimo. Longola yango, esalisaka biso tózala na bibongiseli malamu mpo na kobundisa biso ntango nyons’oyo satana ná basaleli na ye bazali kobundisa biso.

Matatoli oyo esengeli ata moke te kozwama lokola Nsango Malamu, elingi koloba solo mpenza, mpe esengeli te kozwa esika ya Biblia na yo. Kotika Biblia na yo ata moke te mpo na kosalela litatoli moko. Ezali te na moboko na litatoli moko te nde Nzambe akosambisa biso na sima, kasi nde na moboko ya Biblia. Tosengi mpe kobosana te ete boponi na biso ya kobimisa matatoli oyo ezali toli moko na bakomi na yango te.

Lokola tosilaki koyebisa bino na mateya na Bososoli, Nzambe asalelaka moto nyons’oyo alingi, mpo na kobimisa nkembo na Ye, to mpo na koloba na bana na Ye. Likambo ya pete ete moto azali kopesa litatoli ekomisaka ye mwana na Nzambe te. Ezala litatoli ezali na mot’oyo asalelaki satana, to oyo ya mot’oyo amonaki Lola mpe to Lifelo, esengeli kaka ozwa oyo Nzambe alingi kopesa yo lokola emoniseli na nzela ya masol’yo, kodjanga kokweya na motambo na kondima yango bat’oyo Nkolo ajalaki kopesa bino bawuti na Nzambe.

Yeba malamu mpenza ete Nzambe akoki kosalela ata biloko mpe banyama mpo na kopesa bansango na Ye. Ozali na ndakisa mpunda ya Balaam. Tika nazongisa bokundoli na bino na eteni oyo ya Mitango 22."... ²⁷Tango Ane emonaki anjelu ya Yawe, evandelaki Balami, nkolo na yango. Balami atombokaki makasi mpe akomaki kobamba ane lingenda na ye. ²⁸Bongo, Yawe afungolaki monoko ya ane, mpe elobaki na Balami: Likambo nini nasali yo mpo ete okoka kobeta ngai mbala misato? ²⁹Balami azongiselaki ane: Ozali kosakana na ngai! Soki nazalaki na mopanga na loboko na ngai, mbele nabomi yo kaka sik’oyo!. ³⁰Ane elobi na Balami: Boni, nazali ane na yo te oyo osalelaka tango nyonso kino na mokolo na lelo?Nazalaka solo na momesano ya kosalela yo makambo ya boye?Balami azongisaki:Te! ...." Mitango 22:1-33.

Soki ondimi na ngai ete mpunda oyo Nzambe azalaki koloba na Balama ezalaki mosaleli ya solo ya Nzambe te to mwana na Nzambe te, sosola ete baoyo na nzela na bango Nzambe apesi biso matatoli ndenge na ndenge oyo tozali kotanga, bazali mpenza te basaleli ya solo te Nzambe, to bana ya Nzambe. Likebisi oyo esengeli kozala polele mpo na yo banda sik’oyo.

Bato mingi, nsima na kotanga Matatoli oyo tobimisi, bakendeki na internet mpo na kosala mua ba recherches na ba auteurs na bango. Makambo oyo bamonaki ekómisaki bango nsɔni. Basosolaki ete bakomi ya matatoli wana bazali na eloko moko te ya Nzambe na lolenge na bango ya bomoi. Bakomi yango pene na bango nyonso bazali mpenza kofinga Nsango Malamu ya Yesu Klisto. Bazali kaka makambo ya nsɔni. Pene na bato wana nyons’oyo babengaka ete bazalaki kala bato ya satana, ezala mibali to basi, basili komisakola ete bazali basaleli na Nzambe. Moto nyonso amipesaki titre to nkomb’oyo asepelaki na yango. Ba misusu bamibengi Ba Bateli mpate to Pasteurs, misusu basakoli to Évangélistes, misusu baprofete to Prophetes. Basusu kutu bazali na misisa ya komibenga Bantoma to Apotres. Basusu babandaki lokola ba Pasteurs, mpe mwa basanza sima, bakomi ba Apostolo, pe sik’oyo bakomi oyo babengaka "Episkopo" to Bishop".

Babandi na nsango malamu oyo ezali na boyokani ata moke te na liteya na malamu na Klisto. Soki otali bamosusu kati na bango, omoni mpasi mpo na kondima ete bayebaki Yesu Klisto ata mokolo moko te; bakeseni te na bato na mokili. Bamikembisaka na biju(bijoux) mpe na makiyaje(maquillage) ya ndenge na ndenge. Basi balataka ba nsuki ya lokuta (perruques), kokata nsuki na mabe to ba coiffures misusu ya msoni na mitu. Atako balobaka ete bakutanaki na Yesu Klisto Nkolo, emonani lokola bayebi te ete mwasi oyo azali mwana na Nzambe asengeli komizipa, elingi koloba kozipa motó na ye liboso na Nzambe. Emonani lokola bayebi te ete mwasi, mwana na Nzambe, asengeli kolata malamu, koboya makiyaje(maquillage na bijoux), mpe bilamba ya satana lokola pantalon mpe bilamba mosusu ya kobenda mibali.

Basi wana pene na banso bamipesaki ba titre ya BaMpaka ya Eklezia, elingi koloba bango nionso bakomaki ba Bateli mpate to pasteurs, basakoli to évangélistes, ba profete to prophetes, ba docteurs, ba ntoma, kotsiola liloba na Nzambe oyo epekisi mwasi koteya mpe kojua bokonzi likolo na mobali. Bakomi bongo bisaleli ya solo na satana mpo na kokamba bato ya Nzambe na nzela, mpo bakristu mingi oyo bayebi makambo te bazwaka bango lokola bana na Nzambe, mpo na matatoli na bango. Bino Bana Nzambe, tika likamb’oyo ekamwisa bino lisusu te. Oyo ezali kaka mwango mosusu na satana mpo na kobulunganisa mosala na Nzambe. Pambolá Nzambe mpo na Bososoli.

Moko na bato yang’oyo babengaka ete bazalaki kala bato ya satana na litatoli na ye abimisi yo polele ete satana alobaki ete akofungola monyololo mobimba ya bamagazini ya bijoux mpo na ye, kolimboláká ye ete na kotɛka ba-bijoux yango, asengelaki kopesa nzela na satana ete azwa makila ya bato ntango nyonso mpe milimo. Ye moko ayebisaki biso ete satana amonisaki ye ete bato nyons’oyo basombaka biloko na motuya bakómaka mbala moko bat’oyo satana ná bademona na ye bazwaka. Amonisi biso ete ba-bijoux nyonso, mpo na kindoki ebele oyo esalemi likolo na yango uta na mokili ya molili, ezali na bademona, mpe ntango mutu asombi eteni ya mwa-bijoux, ezali solo bademona nde asombaka, mpe mbala moko na ndako na ye .Bademo yango bazalaki komɛla makila ya bat’oyo bazalaki kofanda na ndako yango na butu. Yango wana ayebi malamu koleka ngai ná yo ete ba-bijoux ezali na bademo oyo bazali kaka te na baoyo balataka yango, kasi bazali kutu na baoyo bafandaka na ndako moko na baoyo balataka yango. Kasi tango omoni moto ya satana na nkala oyo, ozali nsoni. Azali ntango nyonso kokembisama na biloko na motuya na ndenge nyonso, ata oyo eleki ndelo. Oyo ezali kofinga ya solo na Nsango Elamu. Kobosana te ete moko ya misala ya basali ya satana ezali kofinga Nsango Elamu, kolona mobulungano na makanisi ya bato, mpo ete baye balingi kolanda Nkolo babulungana.

Baoyo batangi Matatoli oyo pe ba scandalisami na komona bakomi na bango na internet, bakomela biso mpo na kotuna biso ndenge nini ekoki kozala ke mot’oyo alobi amoni Lola to Lifelo, mpe oyo akutanaki kutu na Nkolo Yesu -Klisto ,kozala na bomoi oyo ekeseni na oyo liloba na Nzambe eteyaka. Eyano ezali petee: Bauti na Nzambe te. Na yango, bokeba na maloba "ba ex-Satanistes" to "bato na satana na nkala to anciens Satanistes" basalelaka mpo na kolobela baye basalelaki Satana mpe oyo balobaka ete babongwanaki epai ya Yesu Klisto. Ekoki kozala ete mwa ndambo ya mbongwana wana ezali solo; kasi mbala mingi bato yango oyo babengaka ete bazalaki kala bato na satana bazalaka eloko mosusu te bobele bato na satana. Na yango, omitika lisusu te ete bábendama na basali ya satana oyo bamimonisi lokola bana na Nzambe. Salelá malamu mateya oyo elobeli "Bososoli" oyo okokuta na site Internet www.mcreveil.org.

Boyeba bongo, balingami, ete mingi ya matatoli oyo ya Lola, ya Lifelo, ya mokili ya molili, mpe bongo na bongo, ezali ya solo. Soki bakomi na bango bauti na Nzambe te to soki baponi kotika Nzambe, yango elongoli te matatoli oyo. Boyeba ete kaka oyo ezali ba mpunda oyo Nzambe azalaki komonisa biso oyo alingaki kolobela biso. Nsango oyo mpunda apesaki Balama eutaki epai ya Nzambe. Lokola nsango yango eutaki mpenza epai ya Nzambe esalaki ete mpunda azala mwana ya Nzambe to mosaleli ya Nzambe te. Mpunda apesaki nsango na ye epai ya Balama, mpe atikalaki mpunda. Balama azwaki nsango ya Nzambe, mpe azalaki na bonsomi ya kotosa to kotosa te. Oyo ezali likambo mpo na yo lelo. Nsima ya kozwa matatoli oyo Nzambe apesaka biso na nzela ya bampunda oyo, ozali na bonsomi ya koyambola mpe kobanga Nzambe, to kokoba kosepela elongo na Nzambe.

Bandeko balingami mpe baninga na bolingo, bomikundola mbala moko mpo na libela ete komona Lola mpe to Lifelo ekomisaka moto te mwana ya Nzambe. Kosalela satana mpe na nsima kokutana na Klisto ekomisaka moto te mwana na Nzambe. Basaleli mingi ya satana oyo balobaka ete basundolaki ye mpo na kolanda Yesu basukaka ntango nyonso na kojonga epai ya nkolo na bango ya solo satana. Na yango, zwá oyo ezali kotonga yo na matatoli, kasi komitungisa te mpo na bakomi na yango. Salá ndenge Yesu apesaki biso mitindo na Matai 23:1-3 "¹Yesu alobaki na ebele ya bato mpe na bayekoli na Ye ²: "Balakisi ya Mobeko mpe Bafarizeo bazali na mokumba ya koteya bato mibeko ya Moyize. ³Boye, bosengeli kosala keba na mateya nyonso oyo bateyaka bino, mpe bobongisa etamboli na bino kolanda mateya na bango; kasi bomekola te misala na bango, pamba te batiaka mateya na bango na misala te."

Tika eté Ngolu ejala na baye banso balingaka Nkolo na biso Yesu Klisto na boling’oyo ekoki kobongwana té!